يـــــــوم كـــــــــــــــــــــان
ليت اذني ما سمعت همسك ..
حتى ذاك اليوم تقول كذاب..
ليتني ما وعيت لنبضك ..
حتى يكون الوعي عني غاب ..
ليتني ما سمعت عذرك
حتى لو سألتني تضيع من ايدي الأسباب
شخبار هذيك الأيام ..
يوم الباب قبال الباب ..
يوم كان القلب بعده شباب ..
يوم كنت اقرا بالكتاب ..
وانت تنتظر مني .. كلمة .. أو جواب ..
يوم انا كنت انا ..
لا ضاعت مني لا حانا ولا مانا ..
ولا حتى نشزت يالغلا في لحانه ..
يوم كان الجفا هذيك الأيام عقاب ..
والنظرة مني تنسحب على قطع الرقاب ..
والوقفة معي باليالله لا صارت .. احسبوها بألف حساب ..
واذكروا محاسن .. ومفاتن الكلمة ..
وقالوا لو ماكانت أحرف .. كانت والله شراب ..
وانت من عرفتك ..
ما نفعت .. لا شدة معاك ولا عتاب ..
أنفخ بجربة مقظوظة ..
أو ألاحق فيك السراب ..
لا يمينك يمين ..
وشمالك قسى وعذاب ..
والعالي عندك واطي ..
والواطي هب .. وهباب
انا من هالعلاقة صابتني فوبيا
بالعربي يعني رهاب
برة تمارس ديموقراطيتك
وفبيتك يصير ارهاب ..
لا راي تاخذ مني ..
وان خذيته تاخذه بشك وارتياب
رغم كل هذا ودي أعرف ..
من أكون عندك ..
ان قلت حبيبة ..
فأنت لي سيد الأحباب ..
انت يا من خليت لأجله الصحبة والأصحاب ..
انت من أجله تركت حتى الوظيفة ..
واعتكفت لطاعته و قاطعت الأغراب ..
وبعد كل هذا تقولي شوفي لج وسيلة ..
يا إما تكونين بمركبي أسيرة ..
أو سيدة مركب دون ركاب
ويا ليتني ماعرفتج ..
ليتج كنتي بعيدة ..
ليتج صج كنتي سراب ..
ان ما وصلتج فمعلومة أكيدة ..
اني بظل أحلم فيج وهذا سر الإعجاب ..
القهر مو بكلامك ..
القهر بلسانك .. بذئ .. مغتاب
يظل يتصيد بألف وسيلة ..
شلون يوصل الروح ..
ويعلن الإنقلاب
القهر لو بيدي حيلة ..
أفك قيدي وأقطع الحبل بالأنياب ..
وأجمع ثيابي .. وأشرد ..
لو أطلع دون ثياب
القيد يذبح لو هو وهم ..
القيد خلى فيني الدمع سكاب ..
القيد يعلم ..
الطفل .. لو حتى الشياب
وانا عز الله تعلمت درسي ..
ما أكرر في حق نفسي الغلط
حتى ما يطلع الثمن نفسي ..
وأقعد أستلم بعدها الأتعاب
|
