!أمة مجسمة
والمراد به مقسمة
صبرت وما قدرت ..
أنطر إلين باكر الصبح ..
جيت أبارك بعيدكم يا مسلمين ..
ليلة التطبيع من صديق صح
في عز مصايب أمتنا جيتي تطبعين ..
علاقات تشرف وتجارة تربح ..
يا شقيقة .. يا مسلمة ..
تعرفين ايدج مع منو تحطين ..
وهالمرة تشرفتي بإسرائيل المجرمة ..
كل هذا لجل منع علم ودين ..
وآنا اعرف بهالجملة منو أقصده ..
النصر نصر الله لا إنتي ولا من ألف من ألف من هالشياطين ..
ترهب القلب والورع تعدمه ..
أنا ما أخاف لو انتي مني تخافين ..
أنا جنبي الله وكتاب الله نفهمه ..
أنا رايتي وصية رسولي وثقلين ..
ولا إنتي منو في رايتج غير الشرذمة ..
كل من يستعد ويسن السكاكين ..
والقتيل ديننا وعترة مهدمة ..
لا مساجد حشمتو ولا بيت للمسلمين ..
حتى بيت الله .. بيت الله حللتو شرفه ودمه ..
لا من كفر .. ولا حتى مشركين ..
شنهو انتو .. ناس عايشة لو جثة مهندمة ..
القتل حلالي تفجيرات .. وناس معدومين ..
كل ذنبهم عترة نبي ومَـعـلمه ..
هذي انتي حالج مثل حال الباقين ..
تحيين التطبيع بس ما تبقى دولة مسلمة ..
يموت الإسلام لأجل انتي تعيشين ..
وان عشتي .. عشتي مهزومة ومعدمة ..
الشرف يا عرب ما هو بطوفة وعمارتين ..
الشرف يروح لو من طيب السمعة تحرمه ..
ولا .. يمكن الشرف كنتو عنه بعيدين ..
لأن الشرف مو ستار ولا خرقة على روح محرمة
أنا مسلم لاني شيعي ولا ني من تحسبين ..
انا غيور ذبحته الغيرة والناس تشوفه مسيلمة !
إن صاح صوته قالوا سكتوا المرتدين ..
وين دينكم حتى خط دينكم نرسمه ..
آنا من نطقت قمتي فيني تكفرين ..
يا أمة رسولي يا أمة محمد يا شهدي يا علقمة ..
أبلعج بوريدي غصب علي لو فيني تغصبين ..
صبري ينتهي بحجة القائم بحياة مكرمة ..
الدنيا جنتكم مني خذوها بعتها من سنين ..
واشتريت بزهدي ما اشترته أي منظمة ..
لا مجالسكم تمجد إسلامكم ولا حتى شِعر مصفف وزين ..
إسلامي تمجد بصبر أيوب أتعلمه ..
لو أبي أكتب أبياتي ما أخلصهم في سطرين ..
سطري لآخر قطرة من دمي أردمه ..
وأبني فوقه بيت .. لا حشا قصر من طين ..
وأهده فوق روسكم يا أمة مجسمة ..
حسبي الله لو كنت أبي أتحسب ليوم الدين ..
فوق الصراط كل مظلوم حقه يسَّلمه ..
|
